Prishtina Mall

Prishtina Mall – Sisteme HVAC për një qendër tregtare me sipërfaqe 239,000 m²

Install Engineering sh.p.k. realizoi furnizimin dhe instalimin e sistemeve të ngrohjes, klimatizimit dhe ventilimit në Prishtina Mall, në bashkëpunim me kontraktorin e përgjithshëm Octacom shpk, gjatë periudhës 2021–2023. Projektimi i detajuar i sistemeve (HVAC, instalimet elektrike, ujësjellësi dhe mbrojtja nga zjarri) u realizua nga JEPA S.A. Install Engineering realizoi të gjitha sistemet qendrore HVAC të qendrës, ndërsa instalimet në dyqane dhe në kinema u realizuan nga kompani të tjera.

Fushëveprimi i projektit

Ngrohja, klimatizimi dhe ventilimi i hapësirave të përbashkëta dhe zyrave administrative.
Ventilimi mekanik dhe largimi i gazrave nga garazhet (niveli -4.20).
Sistemi i bojlerëve për ujë të ngrohtë sanitar.
Klimatizimi dhe ventilimi i dhomave të serverëve.

Të dhënat teknike dhe pajisjet

Sipërfaqja e qendrës: 239,000 m².
6 chillerë / pompa termike Climaveneta (Mitsubishi Electric): 6.9 MW ngrohje dhe ftohje.
5 kaldaja Viessmann me djegës Weishaupt: 8.3 MW ngrohje.
22 njësi të trajtimit të ajrit Proklima: 1,000,000 m³/h ventilim.
Fan-coil njësi Samsung.
Mbi 12 km tubacione hidronike PPR të paraizoluara Interplast.
Rreth 350 ton kanale HVAC.
Ventilimi i garazheve (rreth 53,800 m²) me ventilatorë Soler&Palau.
Pompa qarkulluese Wilo, valvola T.I.S. dhe tubacione bakri Talos Ecotherm.

Ekipi i projektit: 7 inxhinierë dhe 15 ekipe punuese, gjithsej 210 punonjës.

Sfidat e projektit

Afati i ngushtë: punimet u realizuan sipas një plani të ngjeshur dinamik, paralelisht me ndërtimin e qendrës.
Rritja e çmimeve në 2022: pas nënshkrimit të kontratës, lufta në Ukrainë solli rritje të shpejtë të çmimeve të materialeve dhe pajisjeve. Falë veprimit të shpejtë në prokurim dhe planifikim, projekti vazhdoi sipas planit dhe të gjitha obligimet kontraktuale u përmbushën.
Koordinimi në kantier: punë paralele me kontraktorin e përgjithshëm dhe me ekipet e instalimeve elektrike, mbrojtjes nga zjarri dhe ndërtimit, në një kantier prej 239,000 m².
Pajisje të rënda në kulm: transporti dhe ngritja e chillerëve dhe njësive të trajtimit të ajrit në kulmin e objektit.
Shkalla e instalimeve: mbi 12 km tubacione dhe rreth 350 ton kanale të montuara në tavane dhe garazhe me hapësirë të kufizuar.
Testimi dhe vënia në punë: balancimi dhe testimi i të gjitha sistemeve para hapjes së qendrës.